Mbrëmjen e djeshme u krijua kaos i madh në rrjet. Arsyeja e gjithë kësaj rrëmuje ishte veshja ikonike me kapele të madhe e Ronela Hajatit. Këngëtarja parakaloi në tapetin Turquoise në ceremoninë e hapjes së festivalit Eurovision me atë veshje, ideja e së cilës u zbulua që ishte kopjuar nga një artist brazilian.
Gjatë ditës së sotme ne profilet e tyre zyrtare kanë reaguar Ronela, po ashtu edhe stilisti i saj, Niko Komani. Ajo çfarë të gjithë prisnim ndodhi. Edhe ilustratori brazilian, i cili në instagram identifikohet me emrin Pedro Leopoldom ka reaguar. Në instastorin e tij ndër të tjera ai tregon se tanimë është në kontakt me Niko Komanin dhe se ato i kanë dhënë kreditet e tij për veshjen.
“Përshëndetje! Njerëz si fillim do të doja t’ju falenderoja për komentet dashurinë dhe mesazhet e juaja. Nuk arrij dot t’ju falenderoj mjaftueshëm të gjithëve. Do të doja të thoja që falë asaj çfarë ndodhi dje stilisti Niko Komani dhe skuadra e tij kanë kontaktuar me mua . Ne po e zgjidhim këtë problem. Ato ishin shumë të kujdesshëm dhe të bindur se si mund ta zgjidhim të gjithë këtë. Po më japin meritat, kreditet e mia tani.Do të doja t’ju falënderoja të gjithëve për suportin. Gjithashtu ju kërkoj që të mos sulmoni më llogarinë e Ronela Hajatit . Ato nuk e kishin idenë për këtë. Ju lutem. Ajo është artiste e shkëlqyer. Dhe ne do ta zgjidhim sa më shpejtë të mundemi. Edhe një herë faleminderit të gjithëve. Ju dua”,- shkruan artisti brazilian në reagimin e tij.
Pedro Leopoldom akuzoi se veshja e Ronelës ishte e kopjuar nga ai. Pas akuzave publike të tij Ronela publikoi foton e veshjes në Instastory, krahas së cilës shkruan që është ilustruar nga Pedro Leopoldom, teksa i ka bërë tag edhe këtij të fundit duke i dhënë kështu meritat.
Sitilisti Niko Komani, i cili është pjesë e ekipit shqiptar në Eurovision, publikoi më herët një status në Instastory ku shkruante se është në komunikim me artistin brazilian, por pa dhënë asnjë detaj. “Gjithçka ndodh për një arsye! Ekipi ynë është në komunikim me Pedro Leoplodom dhe gjitçka është nën kontroll! Faleminderit.”- thuhej në statusin e plotë të Niko Komanit
