Presidenti Ilir Meta tha mbrëmjen e sotme në Top Story se raportet apo marrëveshjet mes Edi Ramës dhe Lulzim Bashës kanë qenë që me vendosjen e çadrës në bulevardin “Dëshmorët e Kombit”.
Meta tha se i gjithë ky raport është si një film, që nis me çadrën e vendosur para Kryeministrisë, vijon me marrëveshjen e 17 majit, pastaj me djegien e mandateve, bojkotin e zgjedhjeve vendore, mos regjistrimin në KQZ për zgjedhjet e dekretuara në tetor, atëherë u regjistruan të gjitha partitë opozitare, dhe vijon deri në ditët që flasim.
“Unë si President isha i vendosur të ruaja paqen sociale. E mbani mend se çfarë thoshte Basha për mitingun e 8 qershorit, që do të bënte namin. Në fakt dukej se ishte një lojë e tij me Edi Ramën”, tha Meta.
