Ish-kryetari i degës së PD Fier, Agron Kapllanaj, duke folur në MCN TV, rreth zhvillimeve të fundit në Partinë Demokratike, tha se zgjedhjet që po bëhen për kryetarin janë zgjedhje që po mbahen nga grupi i Foltores dhe jo nga PD.
Ai shtoi se më 22 maj Berisha do garojë përballë vetes dhe do të jetë kryetar i partisë së re me emrin “Shtëpia e Lirisë“, “Foltorja“.
Sipas tij, në momentin që do të ketë vertëtë një garë mendoj se do të ketë më shumë se sa një emër që do të garojnë.
“Këto zgjedhje janë zgjedhje që mban grupi i foltores, ata do zgjedhin kryetarin e tyre që është paracaktuar.
Tashmë Berisha e ka bërë fakt partinë e re, thjesht nuk e ka zyrtarizuar në gjykatë. ka dalë në zgjedhjen e 6 marsin me siglën e LSI-së , ndoshta ata bashkohen”, tha ai.
Duke komentuar vizitën e Enkelejd Alibeajt në Mallakastër, Kapllanaj tha se ishte në këtv takim, bashkë me anëtarët e degës së PD.
“Në takim kanë qenë anëtarët e kryesisë së kësaj dege, ku dhe unë bëj pjesë. Unë kam qenë i pranishëm si pjesë e strukturës. Ishte një takim ku është diskutuar mbi situatën politike dhe platforma që Alibeaj paraqiti, ishte ajo që i parashtroi parashtroi kundrejt gjithë deputetëve për bashkimin e demokratëve. Diskutimi ka pasur në fokus bashkimin dhe të fillojmë betejën me PS dhe Ramës si kryeministër.
Unë flas përditë me demokratë të bazës me anëtarët, janë të shqetësuar për përçarjen, që në vend që të rikuperohet për fat të keq me lëvizjet që ka bërë grupi i Rithemelimit, me zgjedhjet që bëri me procedurë të përshpejtuar do të thotë që përçarja bëhet më e madhe. Vetëm frymë bashkimi nuk ka nga Foltorja. Demokratët janë të fokusar për të vazhduar betejën e tyre, të pastër dhe jo si interesi i Berishës për hallin e vet”, tha ai.
