Ministrja e Shtetit, Elisa Spiropali, ka reaguar ndaj fjalës që ish-Kryeministri mbajti në Kuvend. Spiropali, edhe pse nuk ishte objekt në fjalën e Berishës, replikoi me të.
“Ju vrisnit e sulmonit jashtë këtyre institucioneve për të bërë presion. Ti bën mirë që përqesh SPAK-un dhe e quan skape se s´të ka kapur për leckash për të të vënë para përgjegjësive ku të japësh llogari. Ti thua që Edi Rama po i bën presion SPAK-ut se ka frikë nga ty, po ku ka rival më të damkosur se ty?!
Po të ishte për PS dhe për Ramën kandidatura është më e mirë se asgjëja. Në 31 vite ke dalë këtu e ke folur pa etikë e kujdes për të vërtetën, përfundimisht fëmijët e të rinjtë e këtij vendi duan më në fund të çlirohen nga kjo ulërimë, nga ky mashtrim që e sheh politikën si armë për të shkatërruar e jo për të ndërtuar. Më erdhi keq që dëgjova sot dhe një deputete që foli me të njëjtin stil, dhe nuk ka rëndësi është i malit apo grupit parlamentar, të gjithë të njëjtën gjuhë përdorin”, tha Spiropali.
