Proces fasadë për të larguar vëmendjen, e ka cilësuar kryetarja e LSI, Monika Kryemadhi, atë të zgjedhjes së Presdentit, ndërsa shtoi se Kryeministri Edi Rama kërkon noter, pasi nëse do e kishte seriozisht Presidentin do ta zgjidhte nga populli.
“Kush mendon që ka një proces normal për zgjedhjen e presidentit, bëhet qesharak.
Çështja e zgjedhjes së presidentit tashmë përvecse është një fasadë është kthyer në një lloj strumbullari për të larguar vëmendjen nga problemet më të mëdhaja që ka Shqipëria. Sepse ne e dimë shumë mirë që mazhoranca nuk i ka 84 vota.
Ndërkohë që Kushtetuta ja lejon me ndryshimet kushtetuese të vitit 2008, i lejon që mazhoranca ta zgjedhë presidentin me 71 vota dhe nuk ka fare pse të bëhet pjesë e një procesi negociimi kur thotë mi dërgoni me email emrat dhe unë do t’i shikoj do ta votoj apo nuk do ta votoj. Nëse vërtetë mazhoranca do të kishte dëshirë për të bërë një proces institucional, konsultativ. E para nëse do të donte t’ja jepte ta zgjidhte populli presidentin”, tha Kryemadhi.
Kjo është e tejkaluar tashmë, nuk kemi më kohë?
Kryemadhi:Kohë kishim ne, së kohë kishim që kur shkarkuan Ilir Metën që ta ndryshonin kushtetutën se votat i kishin. Siç ndryshuan kushtetutën për reformën zgjedhore, siç ndryshuam kushtetutën për shumë gjëra që iu janë dashur, që në një fare mënyre ia dhuruam ne. Po të ishin dhe kaq të sinqertë në procesin e presidentit le ta zgjidhnin me referendum. Dhimbshmëria më e madhe që pastaj kalon në neveri është përdorimi një grupi të caktuar deputetësh disa për karrierë politikë, disa gëlltit një lugë çorbë të prishur diku dhe pastaj do të vjellësh dhe do të jesh peng i Edi Ramës të gjithë jetën. Të gjitha këto bëhet që bëhesh pastaj në një proces fasadë, farsë. Çfarë kërkon sot Edi Rama? Kërkon një noter për të noterizuar të gjitha aktet e tij të paligjshme.
