Komisioni i Rithemelimit ka reaguar pasi Enkelejd Alibeaj ka bërë publike platformën për presidentin.
Në reagim, Komisioni i Rithemelimit shprehet se nuk mund të ketë propozime të asnjë deputeti të vecantë në emër të PD-së.
Komisioni i Rithemelimit shprehet se tagrin për të bërë propozime për presidentin e ka vetëm Këshilli Kombëtar.
Reagimi:
Dokumenti i shpërndarë dje në “emër të grupit parlamentar të PD”, nuk është gjë tjetër veçse disa kritere të Ramës, të vendosura në gojën e atyre që jo vetëm nuk përfaqësojnë PD, por që kërkojnë që kështu zgjedhjen e presidentit t’ia lënë më dorë totalisht Ramës!
Rama nga ana e tij do deklarojë që zgjedhje ishte “konsensuale” me opozitën! Një skenar i turpshëm dhe bajat
Është një skenar i tillë sepse synon një opozitë vasale, të kapur, të papërgjegjshme, në kurndërshtim me interesat e shqiptarëve! Kjo kohë ka mbaruar!
PD sot përfaqëson rezistencën politike dhe qytetare ndaj qeverisjes më të korruptuar në Evropë! Si e tillë ajo do të mbrojë vetëm interesat e Shqipërisë dhe shqiptarëve, dhe jo të Ramës dhe të shiturve tek ai!
