U luajt në orë 15:00, në kompleksin e Kamzës, sfida e vlefshme për “Play-Out”-in e Kategorisë së Dytë, mes Adës dhe Gramozit.
Skuadra nga Velipoja, arriti të triumfonte me rezultatin 2-1 falë golave të Rasës dhe Keshtejakut në minutat 41 dhe 61, duke shpëtuar kështu sezonin, ndërkohë që Gramozi i Erzekës mbetet me ethet e rënies nga Kategoria e Dytë.
Gjithesesi kolonjarët do të kenë edhe një shans për të mbijetuar, teksa në ditët në vazhdim do të përballen me Delvinën, që u pozicionua në vendin e tretë në Kategorinë e Tretë.
