Ajas Sulejmani, drejtuesi i automjetit që shkaktoi aksidentin në afërsi të “Parkut të Autobusëve” në rrugën e Kavajës në Tiranë, është vetëdorëzuar në polici, rreth dy orë pas aksidentit.
Ai braktisi mjetin pasi aksidentoi çiftin Vilma dhe Arjan Konomi, dhe foshnjen e tyre 3-muajshme, që po kalonin rrugën mbi vijat e bardha.
Policia pak minuta pas ngjarjes arrestoi të afërmin e Sulejmanit, i cili ishte pasagjer në automjet, ndërsa shpalli në kërkim shoferin, i cili sipas raportimeve është vetëdorëzuar.
