Një aksident ka ndodhur mesditën e sotme në Tiranë, pranë ish-Parkut të Autobusëve.
Një makinë luksoze ‘Benz GL’ del nga rruga duke përfunduar në trotuar. Humbja e kontrollit të mjetit nga drejtuesi i tij, ka rrezikuar jetën e qytetarëve të shumtë që frekuentonin zonën.
Drejtuesi i mjetit është larguar nga vendi i ngjarjes dhe mesohet se ishte pa patente.
Policia e Tiranës/ Informacion paraprak
Më datë 08.05.2022, në Rrugën e Kavajës, një mjet me drejtues ende të paidentifikuar, ka përplasur shtetasit V. K., 43 vjeçe, A. K., 48 vjeç dhe fëmijën e tyre të mitur 3 muajsh, të cilët si pasojë janë dëmtuar dhe ndodhen në spital, nën kujdesin e mjekëve.
Drejtues i mjetit ka braktisur mjetin dhe është larguar nga vendi ngjarjes.
Grupi hetimor po punon për kapjen e autorit dhe sqarimin e rrethanave të ngjarjes.
