Kryeministri Edi Rama tërhoqi vëmendjen dje me akuzat dhe pakënaqësitë që shprehur ndaj SPAK, të cilit i kërkoi që të hetonte Sali Berishën dhe Ilir Metën.
Rama u shpreh i shqetësuar lidhur me hetimet që SPAK kishte kryer ndaj Ardian Dvoranit, aq sa solli edhe reagimin e Prokurorisë Speciale, që të deklaronte se procesi ishte mbyllur me kohë, madje edhe me vendim Gjykate.
E ndërsa një ditë më parë Kryeministri u shfaq i pakënaqur, ndoshta edhe i turpëruar, sikundër u shpreh, sot ai ndjehet më mirë, madje i gëzuar.
Dhe e dini se kush ia ka kthyer buzëqeshjen? Shefat e kuzhinës, nga veriu në jug.
“Super prestigjozja “Financial Times” i kushton një faqe të tërë mjeshtërisë së gatimit e cilësisë së ushqimit në Shqipëri, duke çmuar lart shefat e kuzhinës nga veriu ne jug dhe nxitur lexuesit e saj në mbarë botën që të vizitojnë e të shijojnë Shqipërinë”, shkruan Rama në rrjetin social.
