Një shembje masive e një pjesë të murit mbajtës në kalldrëmin e lagjes “Puntori” që e lidh atë me pjesën tjetër të qytetit u shënua në Gjirokastër, si pasojë e erozionit, ujërave që rrjedhin pa kriter dhe shirave intensiv të rënë gjatë javës.
Shefi i Shtabit të Emergjencave në bashki, Fatri Brahimi u shpreh se situata është vërtetë e rëndë dhe për këtë kërkohet ndërhyrja imediate.
Sakaq OSHEE ka bërë ndërprerjen e energjisë elektrike për këtë zonë në mënyrë që të shmanget ndonjë fatkeqësi e mundshme.
Mësohet se gjatë gjithë këtyre kohëve me shi edhe mure të tjera në qytet dhe masive të mëdha toke kanë pësuar shembje.
