Auron Tare ka denoncuar përmes rrjeteve sociale faktin se në koncesionin e parkut të Butrintit, Ministria e Kulturës ka emëruar drejtor të Fondacionit të Menaxhimit Lorenc Bejkon, njeriu që ka firmosur për planin e menaxhimit.
Tare thotë se për publikun se Ministria reklamon se Plani i Menaxhimit të Parkut është firmosur edhe nga Departamenti i Trashëgimisë Kulturore në Fakultetin e Historisë dhe Filologjisë në Un
iversitetin e Tiranës, duke e prezantuar si proces gjithë përfshirës.
Departamenti në Fakultet drejtohet nga Lorenc Bejko të cilin Ministria e Kulturës e ka caktuar Drejtues të Fondacionit që do menaxhojë Butrintin.
I njëjti person që dha dakordësi për të kaluar Plani i Menaxhimit për koncesionarin do drejtojë fondacionin menaxhues.
“Në ndihmë të Ministrisë së Kulturës për të publikuar sa më shumë fakte për të kuptuar se çfarë po ndodh me çështjen “Butrinti” më poshtë mund të lexoni:
Sipas tabelës më poshtë Ministria shkruan se “Plani i Manaxhimit të Parkut të Butrintit është firmosur edhe nga Departamenti i Trashëgimisë Kulturore në Fakultetin e Historisë dhe Filologjisë në Universitetin e Tiranës”
DAKORT
Jeni të lutur të lexoni në Website të këtij fakulteti se kush e drejton atë dhe do të gjeni se fakulteti drejtohet nga Prof. Lorenc Bejko i caktuar nga Ministria e Kulturës si Drejtues i Fondacionit që do të manaxhojë Butrintin”, shkruan Tare.
