Derbi i kryeqytetit mes Partizanit dhe Tiranës është mbyllur me fitoren e bardhebluve që festuan njëkohësisht edhe titullin kampion,. Por gjithashtu, është mbyllur edhe me ngjarje shumë të pakënaqshme pasi ka pasur përplasje mes tifozerive dhe me forcat e rendit.
Në fund të duelit, tifozët e dy skuadrave iu afruan njëra-tjetrës dhe nisën të gjuheshin me sende të forta, stolat që shkulnin nga tribunat e stadiumit “Elbasan Arena” si dhe me fishekzjarrë.
Kjo solli edhe ndërhyrjen e forcave të rendit, të cilat për të ndarë tifozët hynë në tribuna duke prangosur disa prej tyre derisa u shpërnda turma.
