Kryeministri Edi Rama, në fjalën e mbajtur në Asamblenë Kombëtare të PS, tha se drejtuesit e rinj të partisë në 61 bashki do të përfaqësojnë një profil të ri politik.
Zgjedhjet e krytarëve të rinj e do të jetë një proces që i jep mundësi të gjithë anëtarësisë dhe simpatizantëve të PS që të përfshihen në zgjedhjet e drejtueseve të rinj të partisë, tha Rama.
“Na duhet një profil i ri politik që na siguron që partia ka zë në territor, që nuk janë as hije as konkurrent me kryetarët e bashkive. Ndaj këto zgjedhje do të jenë shumë të vërteta. Kemi rënë dakord se kudo që gara nxjerr në pah kandidatë që janë për t’u vlerësuar do ecim në bashkëdrejtimin e partisë sipas parimit një burrë-një grua”, tha kreu i qeverisë.
Rama gjatë fjalës së tij në Asamblenë e PD, tha se së shpejti do të ngrihet një Komision i Posaçëm Zgjedhor, në kuadër të zgjedhjeve për kryetarët e degëve në çdo bashki.
Sipas Ramës, në këtë garë mund të marrin pjesë persona edhe nga jashtë forumit të Asamblesë Kombëtare, por nuk përjashtohen dhe vetë anëtarët e kësaj strukture për të garuar.
