Në celje të punimve të Asamblesë së PS, sekretari i përgjithshëm Damian Gjiknuri, prezantoi dy nënkryetarët e Asamblesë Emirjano Sako dhe Eriselda Sefa si edhe Edurad Ndrecën në cilësinë e sekretarit të Asamblesë.
Gjatë fjalës së tij, Gjiknuri tha se qënia gjatë në pushtet ka edhe risqet e veta, që mund të bjerë në gjumë, ndaj kërkohet rigjenerim.
“Ky proces që do ndjekim i shërben forcimit të organizatës, me një skelet të fortë strukturor, që të kemi një parti solide, e gatshme të ringrihet dhe të korigjojë gabimet aty ku ka vend për korrigjim”, u shpreh Gjiknuri.
Ai tha se PS ka si objektiv fitimin e shumices se bashkive të vendit në zgjedhjet lokale të vitit 2023.
“Ky proces që do ndjekim i shërben forcimit të organizatës, jo vetëm me njerëz të ri, por të bëhet një organizatë me skelet të fortë strukturor organizativ, që pavarësisht garave a humbjeve në vende të caktuara, të kemi parti solide që është gjithmonë gati të ringrihet apo të korrigjojë gabimet. Do bëhet procesi i veçantë për zgjedhjen e kryetarëve të partisë, do jetë proces konkurrues, do kemi ballafaqim idesh para anëtarësisë, jo më atë mënyrën e ngushtë të propozimit të kandidatëve. Për t’u përgatitur si duhet që ne zgjedhjet vendore të ballafaqohemi. Jam i bindur që kjo parti do jetë përsëri e pamposhtur e do i fitojë pjesën dërrmuese të bashkive, pse jo të gjitha, por jam i bindur që pjesa dërrmuese do jetë prapë në drejtimin e PS por kjo do punë e duhet nisur që sot. Na pret punë intensive, kemi kohë të mjaftueshme të riorganizohemi e të ballafaqohemi me njerëzit më të mirë, të shohim ku janë problemet reale e identifikojmë njerëzit e duhur që do udhëheqin partinë”, u shpreh Gjiknuri.
