Ish-Kryeministri Sali Berisha deklaroi se procesi që ndodhi në PD i dha fund kryetarokracisë. “I dhamë fund proceseve të emërimit, duke rikthyer votën e lirë”, tha Berisha.
Në emisionin “Open”, Berisha tha se Lulzim Basha u manipulua qoftë nga Edi Rama ashtu edhe nga guvernatorja, duke cilësuar kështu ambasadoren Yuri Kim.
“A u vra një mjek në Elbasan, Pjerin Xhuvani, ishte një familje e nderuar. Të implikuarit kryesorë të kësaj ngjarjeje ishin Taulant Balla dhe Gazment Bardhi. Pse u ndërpre komisioni hetimor lidhur me ngjarjen? Natyrisht pengmarrja”, tha Berisha.
Ai tha se prokurori që mashtroi shqiptarët shkoi në SPAK, por prokurori mbylli edhe çështje të tjera, të atyre që mbyllën Komisionin Hetimor.
Sipas tij, “Edi Rama i mbylli dosjen “Muzin” Lulzim Bashës me ndërmjetësimin e Engjëll Agaçit, atëherë çfarë opozite mund të bëhej”.
