Italia është shokuar nga një ngjarje e rëndë ku një 57 vjeçar ka vrarë në gjumë familjarët e tij.
Alessandro Maja, ka goditur me çekiç në gjumë gruan e tij Stefania Piveta 56 vjeç dhe vajzën Xhulia, 16 vjeç të cilat kanë humbur jetën.
Bëhet e ditur se në gjendje të rëndë është djali i tij 23 vjeç Nikolo.
Ngjarja ka ndodhur brenda banesës në Samarate, në provincën e Vareses në Lombardi, ku pas krimit autori ka tentuar t’i vërë flakën vetes.
Kanë qenë fqinjët ato që kanë njoftuar policinë pas ulërimave të dëgjuara në familjen ku ndodhi krimi.
Policia po heton për detajet e ngjarjes.
