“Të mbyllim sa më parë kapitullin e çmendurisë së zgjedhjes së Presidentit të ri të vendit”, u shpreh Kryeministri Edi Rama në përfundim të mbledhjes së Kryesisë së PS-së, ku ndër të tjera u diskutua edhe mbi procesin e brendshëm zgjedhor në partinë më të madhe qeverisëse në vend.
Rama tha se PS ka vullnetin dhe shanset janë të mira për zgjedhjen e një Presidenti konsensual.
“Patëm informacione nga grupi i posaçëm dhe sot kanë filluar bisedimet zyrtare me palët e tjera në Kuvendin e Shqipërisë në përpjekje për të identifikuar një figurë që të ketë konsensus më të gjerë se shumica jonë.
Nëse ka vullnet shanset janë të mira, ne jemi të gatshëm që të jemi sa më të hapur në funksion të zgjedhjes së Presidentit që të garantojë mbylljen me sukses të një kapitulli cmenudrie në krye të shtetit”, tha Rama.
