Ukraina miraton ligjin që ndalon aktivitetet e partive politike pro-ruse.
Parlamenti i Ukrainës, Verkhovna Rada, ka miratuar një ligj që u ndalon partive politike justifikimin, njohjen ose mohimin e agresionit të armatosur rus në Ukrainë.
Ligji do të ndalojë gjithashtu partitë që lavdërojnë ose justifikojnë veprimet e atyre që kryejnë agresion të armatosur kundër Ukrainës, raporton The Guardian.
Kryetarja e partisë politike, “Shërbëtor i Popullit”, Olena Shuliak, pohoi se “më në fund, ne do të ndalojmë së toleruari politikën ‘paqe me rusët’, e cila po sjell vetëm shkatërrim në Ukrainë”.
Raportohet se vendimi u mbështet prej 330 votave të deputetëve.
