LSI-ja nuk po kursen asgjë në lidhje me situatën në vend ndaj PS-së edhe pse janë në një koalicion qeverisës.
Nënkryetari i LSI -së Luan Rama duke folur në konventën e LSI-së së Tiranës, foli për situatën e vendit dhe kultivimin e kanabisit.
Në fjalën e tij përshëndetëse tha se të gjithë ata të rinj e të reja në sallë por edhe asaj salle, nuk e meritojnë të jenë pjesë e një Shqipërie të kanabizuar, duke nënkuptuar kështu situatën e rëndë të kultivimit të trafikut të lëndëve narkotike.
“Kur ju dëgjoj ju të rinjve të LSI këtu, unë them se ju nuk e meritoni të jeni pjesë e një vendi të kanabizuar. Ju nuk e meritoni këtë Shqipëri të kanabizuar”, – tha Luan Rama gjatë fjalës së tij.
