Kristjan Asllani ka zhvilluar një fazë të dytë të jashtëzakonshme në Serie A me skuadrën e Empolit, duke bërë që shumë klube në Itali, por edhe në shtete të tjera të shfaqin interes për lojtarin e Kombëtares shqiptare.
Interi është një prej skuadrave të interesuara. Mediat italiane kanë shkruar se zikaltrit vlerësojnë jo pak Asllanin, pasi e shohin si lojtarin ideal për t’u rritur akoma nën hijen e Brozoviç dhe shumë shpejt për të marrë frenat e mesfushës në dorë. Marrëdhëniet mes dy klubeve janë të shkëlqyera, pasi te Empoli zikaltrit kanë dhënë në huazim sulmuesin Pinamonti dhe të premten dy skuadrat përballen në kampionat, ku do të diskutojnë padyshim edhe për Asllanin.
Vlen të theksohet se për Asllanin ka bërë hapa përpara edhe Napoli, por zikaltrit kanë në favor pikërisht raportet me drejtuesit e Empolit.
