Arratisja spektakolare nga burgu në Itali, arrestohet një prej shqiptarëve

Pas disa muajsh në arrati, policia italiane ka mundur të prangosë një nga shqiptarët, që u arratisën nga burgu Rebibbia në Romë.
Sipas policisë, shqiptari u kap nga policia e Milanos, por ende nuk saktësohet se cili nga tre shqiptarët ra në prangat e karabinierëve. Sipas policisë, ka qenë një aksion i përbashkët mes Milanos e Romës në bashkëpunim me Njësinë Hetimore të Policisë së Burgjeve Qendrore, që mundësuan rënien në gjurmë të shqiptarit të arratisur. Tre shqiptarët, Tesi Basho 36 vjeç, Mikel Hosanbelli 36 vjeç dhe Ilir Pere 40 vjeç u arratisën nga burgu në 27 tetor të këtij viti. Ata si nëpër filma u arratisën duke përdorur çarçafët e lidhur bashkë si litar dhe u zhdukën pa gjurmë.