Analisti Fatos Lubonja i është rikthyer kritikave ndaj ish-Kryeministrit Sali Berisha. Dy ditë pas Kuvendit Kombëtar të PD, Lubonja në studion e News 24 shprehet i zhgënjyer, ndërsa thekson se është e vështirë që Berisha të sjellë frymë demokratike. Ai thekson se PD ka nevojë për emancipim, ndërsa pranon se Berisha i jep militantëve më shumë besueshmëri për të bërë opozitë.
“Berisha ky është. Vështirë se Berisha sjell frymë demokratike.
Fakti që mbledh këtë Kuvend e fitoi zgjedhjet në 6 mars brenda militanteve të PD ky nuk është thjesht se është lider historik por është se jep besueshmërinë më të madhe se do të bëjë opozitë.
Berisha ka mëkatet e veta që nuk ka arritur që t’i bashkojë këta si të barabartë. Duhet një emancipim i partisë”, tha Lubonja.
