Ish-Kryeministri Sali Berisha, pasi votoi për përbërjen e Këshillit Kombëtar, tha se në listën e kandidatëve gjenden nga themeluesit e PD deri te anëtarët më të rinjtë e saj. Berisha tha se në listën e kandidatëve gjenden intelektualët e shquar, që janë bashkuar me PD, me qëllim rikthimin e kësaj force politike, në forcë vendimtare.
“Votimi shënon edhe përfundimin e punimeve të Kuvendit të PD me sukses të plotë. Ky mund të quhet Kuvendi i përfundimit të kryetarokracisë dhe presidentokracisë. Ky Kuvend vendosi në piedestal një elitë të re drejtuese të PD, e zgjedhur me modelin “një anëtar, një votë”, e zgjedhur me Kushtetutën tonë të lirisë, të propozuar nga anëtarësia e partisë apo të vetëpropozuar”, tha Berisha.
Sipas tij, ka një rëndësi të jashtëzakonshme që anëtarët e PD të ndjehen të përfaqësuar, por që edhe të zgjedhurit të ndjehen të detyruar ndaj zgjedhësve të tyre.
“Risia tjetër që do të përjetoni është se çdo votë do të tregohet para kamerave”, tha Berisha. Sipas tij, sot u shkelmua modeli që “kryetari nuk votohet”.
Berisha tha se sot ishte Kuvendi i bashkimit, pasi në sallë ishin me qindra delegatë, ndërsa si kandidatë për Këshillin Kombëtar, janë dhjetra demokratë që para 6 marsit ishin në një tjetër pozicion.
“Qëllimi im ishte bashkimi i bazës së demokratëve. Jeni vetë dëshmitarë, shikoni xhirot që bën Lulzim Basha lart e poshtë. Deputetët një pjesë e mirë ishin, një pjesë nuk ishin, por ky tren nuk mund të ndalet kurrë”, tha Berisha.
Në listën e kandidatëve për t’u zgjedhur si anëtarë të Këshillit Kombëtarë të partisë Demokratike, janë 420 emra mes të cilëve personazhe të cilët kanë dhënë kontributin e tyre ndër vite.
Kuvendi Kombëtar i PD, vijon prej më shumë se 7 orësh, ndërkohë qëderi më tani është përcaktuar data për mbajtjen e zgjedhjeve për kryetarin e partisëDemokratike qëdo të jetë data 22 maj.
