Evi Kokalari, nga podiumi ku po mbahen fjalimet në Kuvendin Kombëtar të PD-së, tha këtë të Shtunë se ish-kryeministri Sali Berisha nuk do të ishte shpallur “non grata” nëse Donald Trump do të ishte ende President i SHBA-ve.
Kokalari tha se amerikanët janë kundër ndërhyrjeve politikën e shteteve të tjera.
Ajo u bëri thirrje demokratëve që mos t’i besojnë askujt që mundohet t’i vendosë kundër SHBA-së.
Kokalari tha se nuk do të jetë as pjesë e Këshillit të Partisë dhe as pjesë e kryesisë së PD-së.
“Shqipëria është një shtet sovran dhe e tillë do mbetet. Dinjitetin e saj nuk mund ta cënojnë ata që fatkeqësisht në vend që të fokusohen për të mbajtur karrierën e tyre të sapo nisen fokusohen te karriera e Bashës, dhe në proces e sipër po i shkatërrojnë të dyja. Basha u kontrollua në vetëvrasje politike. Fatëkeqësia e tij ishte bekimi ynë. Shqipërisë nuk mund të imponosh një lider me urdhër nga element të huaj. Ne jemi pasardhës të Gjergj Kastrioiti, kjo është toka e ilire. Ne jemi njerëz të kanunit dhe njerëz të besës, që s’lëm t’u ndodh keq miqve tanë”, tha Kokalari.
“George Soros është armik i Amerikës dhe vlerave të saj, i lirisë së fjalës. Amerikanët janë kundër ndërhyrjeve në politikën e SHBA. Mos i besoni askujt që kërkojnë të ju hedhin kundër Amerikës. Nëse Presidenti Trump do ishte në Shtëpinë e Bardhë lufta nuk do kishte ndodhur, e Sali Berisha nuk do ishte shpallur Non Grata”, shtoi ajo.
“Çdo tentativë për të cenuar opozitën në një vend mikpritës nuk është në linjë me vlerat demokratike amerikane dhe cenon rëndë interesin amerikan nëpër botë. Mos I besoni askujt që këto ndërhyrje I bëjnë në emër të SHBA-së. George Soros është armik i Amerikës dhe vlerave të saj, i lirisë së fjalës. Amerikanët janë kundër ndërhyrjeve në politikën e shteteve të tjera. Mos i besoni askujt që mundohen tju hedhin kundër SHBA-së, ndërkohë që ju klasifikojnë si antiamerikanë sepse nuk jeni dakord me këto ndërhyrje absurde. Personalisht më vjen turp kur shikoj nivelin si është prezantuar Amerika këto vitet e fundit por më vjen edhe më turp kur shoh si është katandisur PD”, u shpreh Kokalari.
