Ka nisur Kuvendi Kombëtar i PD-së, i thirrur nga Komisioni i Rithemelimit.
Kuvendit i janë bashkuar edhe disa nga mbështetësit e Lulzim Bashës dikur, deputetja Ina Zhupa dhe deputeti Kasem Mahmutaj.
Po ashtu janë rikthyer edhe personalitete të larguar nga PD nga Basha. Në Kuvend kanë marrë pjesë edhe Jozefina Topalli, Rudina Hajdari, Arben Imami.
Kuvendit iu bashkua edhe ish-drejtori i kabinetit të Lulzim Bashës, Dorian Teliti.
Sot do të votohen 150 anëtarët e Këshillit Kombëtar.
Në këtë Kuvend, priten të bëhen ndryshime në statut, ndërkohë që do të propozohet edhe data 22 maj për zgjedhjen e kryetarit të PD-së.
