Sherri që përfundoi në përplasje me armë zjarri një natë më parë në Vlorë mes efektivit Lisjan Myrtaj e Juxhin Aliajt (Todi) ka nisur pikërisht për të dashurën e këtij të fundit. Dy të rinjtë debatonin vazhdimisht me njëri-tetrin për të nëjjtën arsye, pasi jetonin edhe në të njëjtën lagje ’10 korriku’ e konfliktet ishin të pashmangshme. Por, një natë më parë, gjithçka kapi kulmin.
“Çfarë ke që shikon”, kanë qenë fjalët që kanë nisur konfliktin verbal e fizik mes dy djemve dhe në prani të të dashurës së Aliajt, nxorrën armët e qëlluan drejt njëri-tjetrit. Gëzhojat e gjetura në vendin e ngjarjes kanë bërë që grupi hetimor të dalë në përfundimin e është qëlluar nga të dy palët.
Dy gëzhoja plumbash janë gjetur në tokë, një në murin e një banese dhe një në automjetin e llojit ‘Mercedes Benz’, tip ‘ML’ me targat AA 858 FY. Automjeti ishte në pronësi të babait të Juxhin Aliajt, kryeplakut të Kaninës Astrit Aliaj në dokumente, por përdorej nga i biri. Si Juxhin Aliaj dhe e dashura e tij pas plumbave kanë tentuar të hipin në automjet për tu larguar por Lisjan Myrtaj i ka ndjekur duke i qëlluar në xhamin e parmë të makinës. Nga të shtënat nuk ka pasur të lënduar.
Juxhin Aliaj është larguar nga vendi i ngjarjes ndërsa Lisjan Myrtaj është dorëzuar në polici. Në polici është shoqëruar edhe e dashura e Aliajt, e cila pas marrjes në pyetje është shoqëruar deri në shtëpi nga efektivët dhe është lënë e lirë. Ajo ka qenë e tronditur nga ngjarja dhe është shprehur se dinamika që u zhvillua një natë më parë, nuk e la të kuptonte shumë detaje. Në dëshminë e tij në policinë e Vlorës Myrtaj është shprehur se përplasja nisi kur Juxhini kishte dalë nga pallati me të dashurën. Ai tregon se Aliaj e ka fyer gjë që është bërë shkak dhe për nxjerrjen e armëve. Policia është ende në kërkim të Aliajt.
