Lidhur me supergrabitjen e djeshme në aksin Tiranë-Rinas, policia u justifikua me lajmërimin me vonesë për ngjarjen. Por mesa duket puna operative në terren ka patur mangësi.
Gazetarja e “News 24” ishte sot në vendngjarje dhe pa me sy të lirë një gëzhojë arme që nuk ishte pikasur nga hetuesit.
Fatmirësisht, gazetarët nuk e kanë prekur gëzhojën, për të mos prishur provën e harruar në vendin e ngjarjes.
Gjatë grabitjes pati të shtëna nga të dyja palët, por rojet e sigurisë qëlluan në ajër, plumbat e grabitësve prekën mjetet me të cilat transportoheshin paratë e një banke të nivelit të dytë në vend.
