Një adoleshente 16-vjeçare është arrestuar nga policia franceze në Montpellier, me dyshimet se po planifikonte një sulm kamikaz në Paris.
Sipas BBC, e reja ishte një nga katër të dyshuarit që janë arrestuar mëngjesin e sotëm.
Agjentët e hetimeve kishin monitoruar kompjuterët e të arrestuarve për disa javë. Mendohet se ata janë identifikuar prej rrjeteve sociale.
Sipas burimeve, në banesën e të arrestuarve është gjendur një laborator ku krijoheshin bomba si dhe lëndë të tjera shpërthyese.
Raportohet se 16-vjeçarja e arrestuar jetonte me të dashurin, 21 vjeç dhe dy të tjerë.
