Babë e bir janë arrestuar nga policia pasi kanë plagosur me thika një 51-vjeçar, mesditën e djeshme rreth orës 13:00 në qytetin e Korçës.
Burime nga policia lokale kanë bërë të ditur se kanë arrestuar në flagrancë Ilo V., Jonel V., babë e bir.
Mësohet se arrestimi i tyre është bërë sepse gjatë një konflikti për motive të dobëta, kanë goditur me sende të mprehta Veronik M., banues në Korçë.
I plagosuri është dërguar dhe ndodhet në spital në sallën e Reanimacionit, jashtë rrezikut për jetën.
