Mali i Zi është rikthyer këtë vit në Eurovision pas tre vitesh mungesë. Vladana Vuçiniq është këngëtarja që do përfaqësojë shtetin malazez në Eurovision 2022, me këngën “Breathe (Frymëmarrje)”.
Artistja, në një intervistë për Telegrafin, u pyet nëse e ka dëgjuar këngën e Shqipërisë në Eurovision 2022, “Sekret” të interpretuar nga Ronela Hajati. Ajo u pyet dhe për mendimin që ndan për këngëtaren shqiptare.
“E dua Ronelën dhe këngën e saj. Ajo ka kaq shumë energji, dhe kënga është vërtet tërheqëse. Ronela është një femër jashtëzakonisht e fortë dhe shumë argëtuese, u bëmë shoqe sapo u njohëm! Ajo patjetër do të kalojë në finale”, tha artistja malazeze.
