Bayerni i Mynihut kompleton sezonin e dhjetë si kampion, një dekadë e plotë pa asnjë shkëputje në majën e Gjermanisë, dominues absolut në Bundesliga. Gjigandët e Bavarisë nuk bënë asgjë më shumë dhe asgjë më pak se sa sezonet paraardhëse me Pep Guardiolën, Jup Heynckes, Hansi Flick apo Niko Kovac duke dhuruar edhe 35-vjeçarit Julian Nagelsman një titull që në prekjen e tij të parë.
Sezon rekodesh, fotokopje e atyre të kësaj dekade për Kampionët e Gjermanisë që në vitin e 123-të fituan titullin e 32, më shumë se çdokush tjetër dhe me një diferencë të madhe me ndjekësit.
Bayerni e formalizoi titullin e dhjetë rresht pas një suksesi të lehtë 3-1 kundër Borussia Dortmund në “Allianz Arena” ku tifozët shijuan një ndeshje kornize ku Lewandowski & Co treguan fytyrën e kampionëve në duke finalizuar një tjetër sezon brenda pritshmërive në Gjermani edhe pse me keqardhje të mëdha në Europë. Ky është ndoshta sezoni i fundit për disa figura të rëndësishme në Mynih, ndërsa dështimi tjetër është ai i Kupës ku skuadra e Nagelsman nuk ia doli në raundin e dytë kundër Borussia Mounchengladbach.
33 gola për Robert Lewandowski qw parakaloi edhe legjendën Gerd Muller. Shënuesi më i mirë i Bundesligës dhe vetëm 4 humbje, një skuadër e ka marrë kryesimin që në javën e tretë për të mos u rrëzuar më asnjëherë nga froni. Të pandalshëm bavarezët në këtë sezon ku kanë shënuar mesatarisht tre gola për ndeshje, më shumë se çdo kryesues në kampionatet kryesore europiane.
Për herë të parë pas më shumë se një dekade pa shërbimet e Alabas e Boateng dhe pa digën Javi Martinez, Bayerni pati vetëm disa “black out” gjatë sezonit ku Borussia Dortmund gaboi shumë, duke mos i dhënë asnjë shans vetes për të përfituar nga hapat falsë të një skuadre e cila është ndërtuar për të pushtuar më shumë se një kampionat të thjeshtë në Gjermani.
