Një 38-vjeçar është arrestuar në Tropojë pasi është kapur me armë pa leje.
Policia bën me dije se në pranga ka rënë shtetasi G. D banues në fshatin Bukovë, Tropojë.
Ndërkohë gjatë kontrollit në shtëpinë e tij policia gjeti dhe sekuestroi një armë zjarri pushkë, një armë gjahu çifte dhe një sasi municioni luftarak.
“Në vijim të veprimeve u arrestua në flagrancë për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”, shtetasi G. D., 38 vjeç, banues në fshatin Bukovë, Tropojë.”- njofton policia.
Materialet hetimore i kaluan Prokurorisë pranë Gjykatës së Shkallës së Parë Tropojë, për veprime të mëtejshme.
