Fotografitë tregojnë banesën ku jetonte Elmira Sefo, e cila humbu jetën pas tërmetit të mbrëmjes së djeshme. Banesa është në Stolac, ku ishte dhe epiqendra e tërmetit që goditi në orën 23:08.
Sipas banorëve të zonës, një shkëmb i madh u shemb nga kodra dhe ra mbi shtëpinë ku jetonte 28-vjeçarja Sefo, prindërit dhe motra e saj.
Ajo mbeti e plagosur dhe u transportua në spitalin e Mostarit, por nuk mundi të mbijetojë. Prindërit dhe motra e Elmirës, sipas mediave boshnjake, pësuan lëndime të lehta.
Mbi çatinë e banesës ishte vendosur një çarçaf për të mbuluar të çarën nga shkëmbi që ra nga kodra.
Tërmeti me epiqendër në Bosnje Hercegovinë raportohet se u ndje në gjithë Ballkanin, si dhe në Itali. Lëkundjet u ndjenë të forta dhe në disa qytete të vendit tonë, përfshirë Tiranën e Durrësin.
