Një makinë e mbushur me para është grabitur në rrugën për në aeroportin e Rinasit, pranë Qafës së Kasharit.
Ngjarja ka ndodhur vetëm pak minuta më parë në rrethana që ende priten të sqarohen nga policia.
Nga të dhënat e para mësohet se makina me para ishte e një banke të nivelit të dytë. Paratë po dërgoheshin për në aeroportin e Rinasit, për t’u dërguar jashtë vendit.
Dëshmitarë në vendin e ngjarjes thanë se kanë dëgjuar krisma armësh në momentin e grabitjes.
Autorët kanë djegur makinën në afërsi të Urës së Limuthit.
Policia e njoftuar për ngjarje ka ngritur postblloqe për kapjen e autorëve të kësaj grabitje.
