Themeluesi i grupit xhihadist egjiptian që më 1998 tentoi të godiste ambasadën e SHBA në Tiranë është vrarë javën e kaluar në Siri nga bombardimet amerikane, njoftoi Departamenti Amerikan i Mbrojtjes.
Sipas njoftimit bombardimet kanë vrarë 11 operativë të Al Qaedas, përfshirë edhe një që përshkruhet si një anëtar “trashëgimie” me lidhje me Osama bin Laden.
Mësohet se bombat e komanduara u hodhën në Idlib të premten e të shtunën, duke goditur një ndërtesë që përdorej për takimet e Al Qaedës dhe vrarë dhjetë operativë.
Theksohet se goditja e së shtunës vrau Abu Hani al-Masri, për të cilin Pentagoni thotë se kishte lidhje me Bin Laden dhe me liderin aktual të Al Qaedas, Ayman al-Zawahri.
Al-Masri ka mbikëqyrur krijimin dhe aktivitetin e shumë kampeve stërvitorë të Al Aqedas në Afganistan in në vitet 80 e 90.
Ai ishte themeluesi i Xhihadit Islamik Egjiptian, grupi i parë Sunit që përdori vetëvrasës me eksploziv në sulmet terroriste, sipas Pentagonit. Midis aktiviteteve të grupit ishte edhe sulmi i parealizuar kundër Ambasadës së SHBA në Tiranë.
