Real Madrid, pas Eduardo Camavinga, do të kërkojë ta rinojë akoma më shumë repartin e mesfushës dhe duket se e ka gjetur lojtarin e duhur.
Toni Kroos është 32 vjeç, Luka Modric 36 dhe Casemiro 30. Sipas AS, klubi madrilen duket se është pikërisht në kërkim të një zëvendësuesi për brazilianin.
Emri që po ndjek me shumë interes për të ardhmen klubi i Florentino Perez është ai i Bruno Guimaraes, ish-futbollist i Lyon-it i transferuar te Newcastle.
25-vjeçari është përshtatur menjëherë në Premier League, duke dhënë përshtypjen se është gati për të bërë hapin e madh dhe të transferohet të një prej klubeve më të mëdha në Europë.
Guimaraes është transferuar në janar nga Lyon te Newcastle në merkaton e janarit për 42 milionë euro. Në 12 ndeshjet e luajtura në Premier, ai ka shënuar 3 gola dhe ka dhënë 1 asist.
