Pas kundërshtimit nga ana e opozitës, se ai nuk është diskutuar me grupet e interesit, projektligji për arsimin profesional është shtyrë për në seancën e radhës parlamentare.
Ishte vetë kreu i grupit parlamentar të PS-së, Gramoz Ruçi që ka kërkuar futjen në rendin e ditës së këtij projektligji.
Nga ana tjetër demokraci Luçiano Boçi e kundërshtoi këtë kërkesë pasi sipas tij, komisioni i medias, që trajton çështjet e arsimit nuk ka qënë strukturë përgjegjëse. Boçi kërkoi që ai të kalojë dhe njëherë për shqyrtim në komision.
Pas kësaj Ruçi më pas u tërhoq nga kërkesa e tij, duke kërkuar që të kalojë patjetër në punimet e seancës së ardhshme parlamentare.
