Ukraina shpreson të evakuojë 6,000 njerëz nga qyteti i rrethuar i Mariupolit përmes korridoreve humanitare të mërkurën.
Sipas BBC, kryebashkiaku i larguar nga Mariupol thotë se në qytet kanë mbetur edhe rreth 100 mijë banorë. Vadym Boichenko gjithashtu paralajmëroi se marrëveshja me Rusinë ishte vetëm paraprake.
Marrëveshja e 5 marsit për evakuiim u rrëzua dhe shumë njerëz kanë mbetur të bllokuar në Mariupol për javë të tëra pa ujë të rrjedhshëm, energji elektrike ose furnizime të tjera.
Mariupoli është një objektiv strategjik për Rusinë, sepse është një port juglindor për Ukrainën. Rusia pretendon se kontrollon pjesën më të madhe të saj, me mbrojtësit e fundit ukrainas të ngujuar në fabrikën e madhe të çelikut.
