Referuar një sondazhi të fundit të Trafalgar (kompani amerikane e sondazheve), 64% e votuesve të mundshëm amerikanë besojnë se presidenti i tyre Joe Biden është i komprometuar ose në konflikt interesi në vendimet që përfshijnë Kinën për shkak të marrëdhënieve të biznesit të familjes së tij me kompanitë kineze.
Ndër të anketuarit, 52.3% thanë se ka shumë të ngjarë që Biden të jetë i kompromentuar, ndërsa 36.4% thanë se nuk ka gjasa.
Më shumë se një e treta e demokratëve të anketuar besojnë se presidenti është i komprometuar, njëlloj si 85.8% e republikanëve dhe 72% e të pavarurve.
“Populli amerikan, siç e shohim në këto numra, shikon përmes asaj që duket”, citohet nga mediat amerikane aktivist politik Mark Meckler, “ata po shohin se si politikat e administratës Biden i sjellin përfitim Kinës më shumë sesa vendit tonë dhe arrijnë në përfundimin se presidenti po u shërben interesave të Partisë Komuniste Kineze dhe duhet të jetë i konpromentuar”.
“Pyetja e vetme është, a kanë liderët tanë në Uashington guximin ta hetojnë plotësisht këtë çështje”, shton ai.
Biden raportohet se ka pësuar një goditje në sondazhet e muajve të fundit, me numrat e miratimit të tij që luhaten në rreth 40% dhe parashikohet gjerësisht se votuesit do t’i japin një goditje demokratëve në zgjedhjet afatmesme të Kongresit në Nëntor.
Inflacioni rekord dhe rritja e çmimeve të gazit kryesojnë listën e shqetësimeve të votuesve dhe pritet të rrisin pjesëmarrjen në ditën e zgjedhjeve.
Një dhimbje koke tjetër për administratën Biden është intensifikimi i hetimeve për përmbajtjen e laptopit të djalit të parë, Hunter Biden dhe marrëdhëniet e biznesit me jashtë të familjes Biden.
Referuar një raportimi mediatik të Martën, Biden i tha ish-presidentit Barack Obama se ai synon të kërkojë rizgjedhjen në vitin 2024.
Sondazhi i Trafalgar u krye nga 5-8 Prill dhe anketoi 1079 votues të mundshëm amerikanë, me një marzh gabimi prej plus/minus 2.99%.
