Nga Boldnews.al
Në fundjavë, kreu i Kadastrës Shqiptare Artan Lame dhe numri dy i qeverisë Arben Ahmetaj, ishin në Vlorë ku shpërndanë disa leje legalizimi për banorët e dy pallateve. Gjithçka e organizuar në një “ceremoni shtetërore” dhe më pas diskutantët a ardhur si delegatë nga Tirana tallën b… (një shprehje e dalë nga Arben Ahmetaj), jo vetëm me pjesëmarrësit, por edhe me të gjithë banorët e zonës brengedare në Vlorë.
Ata u shprehën se brenda 16 muajve do të digjitalizohen hartat kadastrale dhe kjo sipas Lames ishte një nga mënyrat më efikase për të shmangur korrupsionin e mbi të gjitha do i jepte zgjidhje pronave në bregdet. Të dy, si Lame ashtu edhe Ahmetaj ishin pikërisht në vendin e krimit, ku Kadastra e Vlorës meriton rrethimin me shiritin e zi, pasi është vendi ku çdo institucion hetimor ka material të bollshëm për nisjen e procesit penal për qindra dosje.
Batërdia që është bërë në bregdetin e Vlorës vijon ta nxjerrë kokën çdo ditë, ku pronarë shfaqen individë dhe grupe të cilët nuk i lidh asgjë me Vlorën, përveç faktit që për të manipuluar dhe tjetërsuar pronat në bregdet përdorin çdo marifet, ku pushteti dhe paraja nëndorë ka bërë që Rilindja edhe ujin e detit ta “shesë” si burimi.
Nëntë drejtorë u ndërruan brenda dy muajve në Vlorë, derisa zunë vend deri para pak muajsh me Klodian Trocin, të cilin Lame e shiti si një individ që do jepte drejtësi për kapicin e dosjeve të pronave. Ai pati jetën e gjatë disi, por përfundoi në një hetim nga SPAK, teksa iu zbuluan disa dokumenta të falsifikuara për tjetërsimin e bregdetit dhe me vetë në momentin e arrestimit iu gjetën vetëm 65 mijë euro (para xhepi). Një shumë qesharake për drejtorët e Lames, por u zu ngushtë sa kishte dalë nga shtëpia dhe dyshohet se ishte njoftuar se po i vinin vërdallë këta të SPAK-ut.
Vlora ka një specifikë të veçantë pasi gëzon një vijë bregdetare të gjatë dhe në përgjithësi njihet si pronë shtet. Me ardhjen në pushtet të PS-së në vitin 2013 dhe deri më tani, ku edhe Lame është drejtori më jetëgjatë, tokat e shtetit i ka marrë privati. Oligarkia ka zbritur aty, ku veçanërisht Himara është kthyer në shesh ndërtimi. Tashmë po përdorret edhe termi “investitur strategjik”, ku individë të lidhur me pushtetin po tjetërsojnë pronën shtetërore për ndërtimin e komplekseve turistike.
Lame ka nisur ta ndjejë ujin që i ka shkuar deri në kulltukun e zyrës së stij dhe për të mos u “lagur shpejt”, po shfrytëzon çdo media, medium dhe rast për të reklamuar gjoja punën e mirë që po kryhet në kadastrat e vendit. Si mburojë politike, thërriti zëvendëskryeministrin Arben Ahmetaj, këtë personazh me reputacion të madh, që njihet gjerësisht si “i pa kurruptueshëm” dhe i pa përfshirë në “afera”.
