Autoritetet në Maqedoninë e Veriut kanë vendosur të lehtësojnë disa nga masat e vendosura kundër koronavirusit, duke qenë se situata epidemiologjike në vend është përmirësuar ndjeshëm kohët e fundit.
Kështu të gjithë personat që dëshirojnë të udhëtojnë në Maqedoninë e Veriut do të kenë mundësinë të hyjnë në këtë vend pa pasur nevojë të tregojnë në doganë një pasaportë vaksinimi apo një test anticovid negativ.
Po ashtu, javën e kaluar, në Maqedoninë e Veriut u miratua masa për heqjen e maskave në ambiente të mbyllura, me përjashtim të objekteve shëndetësore, transportit publik, shtëpive të të moshuarve dhe institucioneve të kujdesit për personat me aftësi të kufizuara.
Autoritete shëndetësore kanë thënë se do të vazhdojnë të lehtësojnë masat me kujdes, pa e përkeqësuar situatën epidemiologjike në vend.
