Zv.Kryeministri Arben Ahmetaj duket se është në një garë me koleget e tij në Qeveri se kush i thurr më shumë lavde Edi Ramës.
E ndërsa Elisa Spiropali mban vendin e parë në nisjen e lavdërimeve për Kryeministrin duke e quajtur Skënderbe, Ahmetaj ka zgjedhur të falenderojë Zotin që ka bërë që Edi Rama të jetë në Shqipëri, madje edhe në krye të qeverisë.
“E paska dhënë Zoti të ishte ky Kryeministër që të përballonte këto kriza. Fatkeqësi që na bien krizat, por shyqyr që kemi një kryeministër që përgjigjet në sekondën e parë deri në sekondën e fundit të zgjidhjes së krizës”, tha Ahmetaj.
Duket se zv.Kryeministri e ka kapur shpejt situatën, pasi u la jashtë vëmendjes në Kongresin e socialistëve, ndërsa sot që u shfaq në krah të Ramës, nuk kishte pse të humbte mundësinë, për të shprehur të gjithë mirënjohjen ndaj Kryeministrit.
Pas deklarimeve së Ahmetajt pritet të shihet nëse në ditët në vijim do të ketë të tjera lavde për Kryeministrin nga ministrat apo deputetët socialistë.
