Pas kryeministrit britanik, presidenti amerikan Joe Biden tha se planifikon të dërgojë më shumë armë në Ukrainë.
Pas mbërritjes në Portsmouth, New Hampshire, Biden u pyet nga gazetarët nëse planifikon të furnizojë Ukrainën me më shumë artileri.
Ai u përgjigj “po” përpara se të hipte në autokolonën e tij, sipas gazetarëve.
Gjatë fundjavës, CNN raportoi se dërgesat nga paketa e fundit e ndihmës për sigurinë e administratës prej 800 milionë dollarësh në Ukrainë “kanë filluar të mbërrijnë”, duke përfshirë pajisje të rënda, si 11 helikopterë Mi-17.Që nga fillimi i qeverisjes së Bidenit, SHBA-të kanë ofruar 3.2 miliardë dollarë ndihmë sigurie për Ukrainën, duke përfshirë 2.6 miliardë dollarë që nga fillimi i konfliktit më 24 shkurt.
“Ajo që ne kemi bërë këtu është pikërisht ajo që do të bënte presidenti që nga fillimi. Që është të sigurojmë ndihmë të konsiderueshme sigurie, ndihmë ekonomike dhe mbështetje për popullin ukrainas,” tha të hënën sekretarja e shtypit e Shtëpisë së Bardhë Jen Psaki.
