Lela Berdica emërohet drejtoreshë e hipotekës në Shkodër. Bërdica zëvendëson Blerina Hakën, e cila qëndroi në këtë detyrë vetëm për disa muaj.
Haka pasi mori detyrën në pak kohë ka kërkuar që të largohet nga ky pozicion dhe ka zhvilluar disa takime në Drejtorinë e Përgjithshme të Hipotekës për të dhënë dorëheqjen, por i është kërkuar që të presë për të ardhur deri në ditën e sotme.
Haka zëvendësoi Flladi Danon, i cili qëndroi për pak muaj. Drejtoresha e re Lela Bërdica deri më tani mbante postin e drejtoreshës së Qendrës së Shërbimeve ADIDA në Shkodër.
Largimi i drejtoreshës Haka vjen për shkak të problemeve që ka Hipoteka e Shkodrës dhe shqetësimeve që paraqesin qytetarët për pronat e tyre çdo ditë.
Prezantimi i drejtoreshës Bërdica është bërë nga drejtues të lartë të Drejtorisë së Përgjithshme të Hipotekës si një angazhim i tyre për të vënë në shinat e duhura Hipotekën e Shkodrës, e cila nuk po gjen qetësi.
Berdica ka qenë kandidate për deputete në listën e PS-së në Shkodër në zgjedhjet e fundit parlamentare. Ajo deri më sot ka mbajtur detyrën e drejtueses së ADISA në Shkodër.
