Deputetja e LSI, Erisa Xhixho akuzon kryeministrin Edi Rama se mashtroi për çështjen Becchetti.
Ajo ka postuar në rrjetet sociale videon e Ramës në emisionin TPZ të Ylli Rakipit, ku mohoi që biznesmenit italian, Francesco Becchetti, t’i paguheshin 130 milionë eurot e fituara në arbitrazh.
Rama tha se Becchetti do të merrte zero para nga buxheti i shtetit.
Ndërkohë, javën e kaluar u raportua se Becchetti ka marrë 20 milionë eurot e para nga taksat e qytetarëve shqiptarë.
Postimi
Dëgjojeni Edi Ramën si i gënjen shqiptarët për çështjen Becchetti.
Francesco Beccheti ka marrë deri tani 20 milionë euro nga paratë e taksapaguesve shqiptarë.
Ai do të vijojë të marrë çdo qindarkë që Shqipëria përfiton nga hapësira ajrore derisa të plotësojë shumën totale 130 milionë euro.
Kjo është e vërteta dhe jo gënjeshtrat dhe premtimet e pambajtura që bën çdo ditë kryeministri Rama.
