Skënderbeu luan të diel në 16:45 me Egnatian në Korçë. Dueli i javës së 30 në Superligë i gjen vendasit në vendin e fundit të klasifikimit, ndërsa barazimi i djeshëm 0-0 me Partizanin ka rritur entuziazmin te skuadra e Skënder Gegës.
Për ndeshjen me Egnatian, trajneri Gega nuk do ketë gati Randy Dwumfour. Mesfushori u ndëshkua me të verdhin e katërt dje, duke u detyruar të qëndrojë jashtë për sfidën që vjen.
Me vetëm 21 pikë në klasifikim dhe 7 ndeshje të mbetura deri në fundin e sezonit, Skënderbeu është me një këmbë në Kategorinë e Parë.
