Emisioni “STOP” solli degradimin që ka pësuar Urgjenca Mjekësore e Tiranës, që është në shërbim për gati 1 milion banorë të kryeqytetit.
Në 31 dhjetor të vitit 2015 kjo urgjencë u shkri, por në atë kohë shefi i kësaj urgjence nuk iu tha punonjësve se cilat ishin arsyet dhe ku do të shkonin rreth 60 punonjës të këtij institucioni.
Menjëherë pas reagimit të punonjësve të kësaj urgjence vjen edhe urdhri nga ministri Ilir Beqaj, ku sqaronte se kjo urgjencë ishte ndarë në tre pjesë dhe përkatësisht në: Spitali i Traumës, spitali “Shefqet Ndroqi” dhe spitali QSUT.
Punonjësit e këtij sektori janë shpërndarë në këto tre spitale të Tiranës dhe më së shumti punojnë pa kontrata pune.
Edmond Zaçe, Shef i Burimeve Njerëzore në spitalin “Shefqet Ndroqi” shprehet se:
“Në momentin që personeli ka ardhur është paraqitur këtu me dokumentacionin që kishte dhe duke u bazuar në Kodin e Punës në kemi bërë verifikime të dokumentave dhe kemi bërë kontratën e punës për çdo person.”
