Një person është plagosur me thikë në Gosë të Kavajës mëngjesin e sotëm.
I lënduari po merr ndihmë mjekësore në spital. Autori i shpallur në kërkim, sipas policisë, është me probleme mendore.
“Rreth orës 08:40, në fshatin Gosë, shtetasi G.M., 50 vjeç, i cili dyshohet se vuan nga probleme të shëndetit mendor, ka goditur me mjet prerës, shtetasin N.V., 61 vjeç, i cili si pasojë është dëmtuar dhe ndodhet në spital, nën kujdesin e mjekëve”, njoftoi policia.
Grupi hetimor po punon për kapjen e autorit dhe sqarimin e rrethanave të ngjarjes, shtuan të njëjtat burime.
