Institucionet shtetërore kanë shkaktuar 616 milionë euro dëm ekonomik në vitin 2021.
Kjo përfshihet në raportin vjetor të Kontrollit të Lartë të Shtetit, i cili e ndan shumën e humbur në dy zëra. Së pari, janë të ardhurat e munguara në Buxhet për keqadminsitrim të institucionit, 458 milionë euro, ndërsa pjesa tjetër, është dëmi i drejtpërdrejtë ekonomik, 158 milionë euro.
Për të zbuluar këto shkelje, KLSH ka kontrolluar 205 institucione publike.
Abuzimet më të mëdha janë parë në evazionin tatimor, në fushën e investimeve dhe të ardhurat doganore. Dëm ekonomik, zyrtarët kanë shkaktuar edhe në ndarjen e pagave të administratës, në tendera dhe administrimin e pronës shtetërore, raporton Euronews.al
Për veprimet e paligjshme, KLSH ka bërë 14 kallëzime penale, në dosjet e të cilave padit 62 zyrtarë.
Një situatë e ngjashme e keqmenaxhimit të fondeve publike u vu re edhe në vitin 2020, ku dëmi ekomomik ishte 712 milionë euro.
